| |
Gert Bekker -op versoek by Janharmsgat, as armgat,
maar skatryk
Gert Bekker het homself so bietjie meer as 'n jaar
gelede in die Oos-Vrystaat gaan vestig, maar was die
vorige 8 jaar 'n inwoner van Cullinan. Die
jakarandastrate van Cullinan roep hom gedurig nog terug
en hoewel dit sy eerste optrede in Cullinan is die
afgelope jaar, het hy intussen alweer 'n paar keer kom
kuier. Sy beste vriend en kitaarspeler, George
Oosthuizen, woon steeds in Cullinan en ons sal hulle
alby in aksie sien by Janharmsgat se agterplaas op die
29ste Februarie!
"Cullinan sal altyd 'n spesiale plek in my hart hê! Ek
dink met aangename herinneringe terug aan my tyd in
Cullinan, maar dit blyk dat die baie toer met my
sangloopbaan my gelei het tot 'n tipe van 'n nomadiese
bestaan.
Op die oomblik is die klein dorpie Lindley, naby
Bethlehem, my heenkome en gee dit vir my en my gesin
baie vrede en vreugde."
Gert het die afgelope jaar baie meer op sy familie
gefokus en voel nou goed ingeburger om sy nuwe huis as
basis te gebruik vanwaar hy sy musiekloopbaan bedryf.
"Ek is mal daaroor om voor mense op te tree, maar
wanneer ek by die huis is, is ek 'n baie private persoon.
Lindley bied my daardie privaatheid en wanneer ek moet
optree is ek net so 2 tot 3 ure weg van meeste van my
optredes.
In Lindley is die lewe nog goedkoop, sorgvry en
eenvoudig. Geen opgesmukte winkels wat jou verlei om
baie geld te spandeer nie en geen kompitiese met die
Jones's nie. Hier kan ek ek die lewe in eenvoud lewe,
sonder om my af te sloof vir mammon.
Dit mag dalk alles baie idillies klink, maar ons werk
maar net so hard en harder hier; en werk bly maar werk,
maar dinge is minder gekompliseerd en dit is asof die
horlosie stadiger tiek, want ons spandeer geen tyd in
spitsverkeer of rye nie en die liedjie 'Miere' word al
hoe meer 'n onwerklike realiteit vir my."
"Ek was nog altyd maar 'n dromer en het myself weer in
die spasie van tyd gevind."
Kom geniet 'n dromerige, sorgvrye aand in die geselskap
van Gert Bekker by Janharmsgat se agterplaas in Cullinan
op 29 Februarie om 8nm.
Koste: R75pp
Bespreking noodsaaklik(slegs 100 plekke): 012-7340536/
janharmsgat@mweb.co.za /
gert.bekker@mweb.co.za |
| |
|
|
|
Bekker & Key
Bekker & Key op Lindley.co.za
Bekker & Key is 'n splinternuwe toevoeging tot jou ontdekking
van die Oos-Vrystaatse gasvryheid.
Gert Bekker, eintlik 'n sanger/skrywer van beroep, en sy vrou
Liesel Keyser, vryskut kunstenaar, het hierdie restaurantjie in
Februarie geopen.
Gert het al die hoofgeregte uitgewerk en doen ook die
voorbereiding daarvan, wanneer hy die naweek in Lindley is. Sien,
die restaurant is op hierdie begin stadium nog net op Vrydae- en
Saterdae-aande oop en dit is ongelukkig ook wanneer Gert meeste
van sy optredes het. "Ons het intussen 'n baie bekwame sjef
opgelei om die geregte voor te berei, na my smaak, indien ek die
aand weg is met optredes."
Liesel hou in elk geval die fort en is op haar eis bedrewe
genoeg om die pot daadwerlik aan die kook te hou.
Die geregte is eenvoudig, maar nie algemeen nie, eerder ''smaaksensasies''.
Daar word eerder gemik na uitstaande gehalte as 'n groot bord
kos; en nou moet jy nie dink dat jy honger hier sal weggaan nie!
Die vleis- en visporsies is groot genoeg om 'n groot man
versadig te maak, maar dit is onopgesmuk en so voorberei om die
smaak van die vleis/ vis uit te bring.
Die voorgeregte is alreeds 'n groot treffer! Beide die biltong
balsamic en romerige komkommersop, word telkemale weer bestel! |
Die hoofgeregte is:
Beesfilet met 'n peper/brandewynsous
T-bone steak oor die kole gebraai na jou smaak
Skaaptjops oor die kole gebraai met Gert se eie
kruiemengsel
Gerookte varknek in perske en lemoen gaargemaak
Baby hake met 'n romerige suurlemoen-en-knoffelsous
Alle geregte word bedien met vars opgekookte groente en
aartappel skyfies.
Die nageregte is Liesel se spesialiteit:
Crepe Key onder die vlamme &
Roomys met 'n dik tuisgemaakte sjokolade sous
Die tema by Bekker & Key is om die lewe te vier! Eet,
drink en wees vrolik...
So gepraat van drink, Bekker en Key het nie 'n
dranklisensie nie en vra u om u eie drankies saam te
bring. Ons bedien slegs Koffie en Tee.
Die restaurantjie kan slegs 18 mense op 'n slag bedien
en dit is dalk wys om voor die tyd te bespreek. -''Ons
word baie goed ondersteun en is baie dankbaar daarvoor!'' |
|
|
|
KKNK 2006
Hierdie jaar het
Gert sy eie produksie by KKNK aangebied. Dit was goed
verwelkom en almal wat daar was ten spyte van die warm
weer, is huis toe met nuwe klanke en 'n warm gevoel in
die hart. Afrikaans beweeg in nuwe dimensies!
Hier is 'n paar foto's, links na regs, bo na onder:
Lekker kuier saam met Jak de Priester en kie, Gert en
George, Gert en Chris Chameleon, KKNK Produksie span,
Gaste, Oefen op die stoep. |
|
Kliek op foto's om te vergroot |
|
 |
|
 |
|
|
|
Kliek op 'n artikel om te lees: |
|
|
 |
|
|
|
|
|
Bladsy opgedateer:
2008/02/07 |
|
|
|
|
|
|
