Werner
Musiek, kitaar en sang deur Gert Bekker

Daar’s ‘n kabouter in my huis
Hy kan reeds klouter en is tuis.
En dis soos gister dat ek in sy
Kabouterstewels op ‘n hek gesit en droom het
In die stewels van ‘n prins…

Ek wens ek kon jou wêreld met jou deel
En al die seerkry op jou kinderpaadjie steel,
Maar jou paadjie is te small vir dubbelspoor
Loop ons ons vas in dieselfde spel van voor.

Refrein: O Heer ek is ‘n kleine kindjie klein
Kom maak my hartjie tog nou rein.
U sien tog verder as die verste ster
Dra U my kind deur wat sy pad versper.

Werner jy weet; jy bou ‘n ou kasteel
‘n droom in skerwe is besig om te heel.
Want hierdie grootmenswêreld is soms so destruktief
En grootmensdrome in geheel oneffektief
Ek wens ek kon jou wereld met jou deel

Refrein

Werner jy het jou pa se hart gesteel.
My hele wêreld gewysig in geheel!
Maar dis in die opregtheid van jou glimlag
En eenvoud van jou huil,
Waarin die waarheid van hierdie wêreld skuil!

Ek sit soms saans en staar na waar jy lê
En weet die sprokies sal jou nooit die waarheid sê,
Maar jy sal groot word en die tyd sal leer:
Die spel wat jy speel is gelaai met mooi en seer.

Refrein